ഒരു ശീലക്കേട്

പ്രണയമൊഴുക്കാതെ കെട്ടിവെക്കല്ലേന്ന് 
കെട്ടിപ്പൂട്ടി വച്ചതൊക്കെ
ചീഞ്ഞ ചരിത്രേ ള്ളൂ ചീഞ്ഞു നാറി കെട്ട മണം വരുമ്പോ 
സ്വയം ചോദിക്കരുത് ഇതെവ്ട്ന്നാന്ന്
പെണ്ണാന്നു കരുതി അടങ്ങി ഇരിക്കല്ലേന്നു

മടങ്ങിപ്പോവുമ്പോ പതം പറഞ്ഞ് കരയാൻ 
ആരും ണ്ടാവില്ലാന്ന്
പറയേണ്ടതൊക്കെ പറഞ്ഞും ചെയ്യേണ്ടതൊക്കെ ചെയ്തും ആര്ടേം പെടലിക്ക് പിടിക്കാണ്ട് ഇവ്ട്ന്നു പൊക്കൂടേ 
ആണായാലും പെണ്ണായാലും. പെണ്ണിനുമാത്രം പിന്നെന്താ ഒരു ശീലക്കേട്!!!