ഞെരിഞ്ഞമരുമ്പോഴും, പൊടിഞ്ഞുതിരുമ്പോഴും 
അരികിലാക്കപ്പെട്ട ജീവിതങ്ങൾ 
അതിജീവിക്കുന്നത് പലതരത്തിലാണ് .
കല്ലിലിടിച്ച്‌ പതം വരുത്തിയ 
വേവിച്ച ഇളം ചക്ക പോലൊരുവളെ 
എനിക്കറിയാം,
ഉപ്പിലിട്ട കണ്ണിമാങ്ങ പോലെ
ചുരുങ്ങിയവളെയും.
എരിവും കടുകും ചേർത്ത്
തീൻമുറിയിൽ എത്താൻ കാത്തു നിൽപ്പാണവർ
ഒരുവേള, ആരെങ്കിലും കൊള്ളാം എന്ന്
പറയുമെന്നോർത്ത്..
അറിയുന്നില്ല, ഇന്നത്തെ അത്താഴം വരെയേ
ഇലയിലുള്ളൂ എന്ന്