ചിത്രമെഴുത്തുകാരാ...

കടും നിറങ്ങൾ കൊണ്ടു മാത്രം- 
കാൻവാസിനെ പൊള്ളിച്ച,
ചിത്രമെഴുത്തുകാരാ ,
വരകളും, വർണ്ണങ്ങളും-
കട്ടെടുത്തവയല്ലെന്നെനിക്കറിയാം,

എങ്കിലും ,
ജീവിതം ജീവിതമെന്നെഴുതാത്ത,
ചില്ലുകൂട്ടിലിട്ട ചിത്രങ്ങൾ ,
എനിക്ക് വിലക്കു തരല്ലേ ...
(നീ വരച്ച കണ്ണീർ നിറമുള്ള പെൺ ചിത്രങ്ങളും.... )
എനിക്കു വേണം
കുങ്കുമച്ചുവപ്പും ഒരു സൂര്യനും,
കിളികൾ പറക്കും വാനം,
മടുക്കുമ്പോൾ തിരിഞ്ഞു നടക്കാൻ,
ഒരു കടൽ ,
നിലാവ് തഴുകുന്ന ഒരു കുഞ്ഞു മുഖം,
പിന്നെ ഞാൻ പടർന്ന്, പൂത്തുലഞ്ഞ
ആ വൻ വൃക്ഷവും..