പൊട്ടും പൊടിയും പെറുക്കിയവൾ

ഇന്നലത്തെ പൌർണമിയുടെ 

ബാക്കി വന്ന നിലാവ് 

ഇന്ന് കുറച്ച് എനിക്കും കിട്ടി 

സാധാരണ നല്ലതൊന്നും എനിക്ക് 

കിട്ടാറില്ല.

 

പൊട്ടിപ്പൊളിഞ്ഞതും

പഴയതുമായ സാധനങ്ങൾ ആണ്

എന്റെ ബാഗിൽ ഉള്ളത്,

എനിക്കത് കൊണ്ട് കഴിഞ്ഞു കൂടിയേ പറ്റൂ..

പക്ഷേ, ഇന്ന്, 

ഈ ടെറസ്സിൽ വീണു

കിടക്കുന്ന ബാക്കി വന്ന നിലാവ്,

എനിക്കാണെന്ന് ഉള്ള് പറയുന്നു,

എനിക്ക് കുറച്ച് അന്ധവിശ്വാസം ഉണ്ട്

നിലാവ് കൊണ്ടു വന്നത്

ഭാഗ്യത്തിന്റെ, “കൂട” ആണെന്ന്.